Wazifa For Love

Wazifa For Love

Wazifa For Love Wazifa karna aik bohat hi naiki ka kaam hay. Waifa karna buzargan e deen aur aoliya Allah say sabit hay.

Wazifa kay andar hum Allah kay isma ul husna ya Quran ki ayat parhtay hein.

Takreeban sab hi kamo kay liye wazifa mojud hay sirf karnay walay ki niyyat saaf honi chahiye aur is baat par yakeen hona chahiye kah wazifa ki barkat say mera kaam zarur ho jaye ga.

Yad rakhein karnay wali sirf aur sirf Allah ki zaat hay. Allah kay siwa kisi aur say kaam honay ki umeed rakhna shirk kay zumray mein aata hay.

Lekin Allah pak nay apnay kalam kay andar aur apnay asma ul husna kay andar bohat taseer rakhi hui hay.

Har haraf ka mowakil hota hay.

Wazifa For Love

Aaj hum jis mozo par baat karnay ja rahay hein wo hay wazifa for love.

Kia hum apnay love ko panay kay liye wazifa kar saktay hein? Kia love kay liye wazifa karna jaiz hay? Love kay liye wazifa kaisay Karen.

Ji han agar niyyat saaf ho aur koi gunah karnay ki niyyat na ho balkah pasand ki shadi ki niyyat ho tou is soorat mein love ka wazifa karna bilkul jaiz aur munasib hay.

Ab hum kuch baat pasand ki shadi kay baray mein Karen gy kion kah love ka maqsad pasand ki shadi karna hi hota hay.

Wazifa For Love

Hamaray muashray mein jahalat, intiha pasandi, ana parasti aur shariyat ki taleemat say na-waqfiyat is had tak barh chuki hay kah ana parasti par mabni apni baz rawayat ki hifazat kay liye kisi bay gunah insane ki jaan lena bhi bari baat nahi rahi.

Quran majeed aik bay gunah insane kay katal ko sari insaniyat ka katal karar deta hay, lekin maloom hota hay kah hamaray nazdeek sab say afzal aur bartar hamari aana aur hamari rawayat aur hamari sakafat hein, jin kay liye insane ki jaan lena bhi juram nahi.

Kuch din pahlay roznama express mein aik khabar parhi kah “raheem yar khan kay ilakay nabi pur mein majid aur zulaikha nay pasand ki shadi ki, jis par panchayat mein larka aur larki dono ko goli marnay ka faisla sunaya gaya” yah khabar parh kar bohat afsos hua kah hum log jahalat ki kin ghatiyo mein girtay ja rahay hein.

Lekin is kisam ka faisla kisi panchayat mein pahli dafa nahi sunaya gaya.

Aye din is tarha ki khabren aati rahti hein. Balkah mulk kay mukhtalif ilako mein miya bivi kay katal kay itnay waqiyat ronuma ho chukay hein kah in ka shumar bhi mushkil hay.

Is kisam kay faislay bad tareen zulam hein jin ki islam har giz har giz ijazat nahi deta, agar waliden samajhtay hein kah olad nay kam fehmi ki wajah say shadi kay muamlay mein galat faisla kia hay tou un ko behtar faislay kay liye manana waliden ki zimma dari hay kio kah shadi mein pasand aur na pasand ka ikhtiyar khud Allah Ta’la nay in ko diya hay aur jab nikah kar kay dono shariyat kay mutabik mian bivi ban chukay hein tou is kay bad kisi ko in ki zindagi mein mudakhlat ka ikhtiyar hi nahi hay.

Aik sahib kahnay lagay kah phir hum mein aur maghrib mein farak hi kia rah gaya.

Araz hay kah maghrib ki tahzeeb apnanay, khuli azadi denay aur baro ko nazar andaz karnay ki bilkul bhi hosla afzai nahi ki ja sakti aur yah bhi baja kah olad kay liye jo faisla khandan kay samajhdar buzurag kar saktay hein, na samjh olad ka faisla is ki gard ko bhi nahi pohanch sakta, lekin agar koi na samjhi kar hi bethay tou kia wo saza hay jo hamari panchayato mein sunai jati hay? Kia sakafat aur rawayat ko torna shariyat say bhi barh kar hay? Pasand ki shadi ka ikhtiyar tou khud shariyat nay diya hay.

Pasand ki shadi kay muamlay mein katal karnay walay aur is ki hamayat karnay walay islam kay asoolo say bilkul ghafil hein, lekin afsos ki baat yah hay kah is jahalat aur sifakiyat kay khilaf awaz uthanay ka kaam chand N.G.Os kay liye chor dia gaya hay, jo kah aisay wakiyat ko islam ki taleemat ki taraf mansoob kar kay islam kay khilaf propaganda karti hein. Is hawalay say muashray ko mustanad maloomat dena jin ki zimma dari hay, wo ehlay ilam khamosh hein.

Agar ehlay ilam khul kay wazeh tor par is muamlay mein bhi islam kay roshan qawaneen bataein tou qavi umeed hay kah aisay waqiyat mein kafi had tak kami waqaya ho jaye.

Islam mukamal zabta e hayat, aik motadil aur deen e fitrat hay jis ki taleemat bohat wazeh, jis kay tamam ehkam afrat o tafreet say pak, insane kay fitri jazbat aur khawahishat ki riayat kay sath had say tajawuz ki mamaniyat kay asulo par qaim hein.

Jins e mukhalif ki taraf rughbat aur qalbi melan insane ki fitrat mein shamil hay. Jis say islam nay kulli tor par mana nahi kia, agar najaiz tareekay say apni khawahishat ki takmeel say mana kia hay tou insane ki is zarurat kay liye nikah ki soorat mein aik jaiz tareeka bhi faraham kia hay aur nikah kay muamlay mein mard aur orat ko pasand aur napasand ka pura ikhtiyar bhi diya hay, takeh apni zindagi ko bahtar tareekay say hansi khushi guzar saken.

Shadi kay muamlay mein mukamal ikhtiyar waliden ko nahi dia gaya kah wo apni pasand aur napasand ko olad par musalat Karen, jabkah olad ko bhi is muamlay mein talkeen ki kah waliden kay sath mushawarat zarur Karen kio kah waliden bohat kuch olad say bahtar samjhtay hein.

Fareeken kay liye rahnumai hay rahnumai hay kah wo is mislay ko shariyat e islamiya kay diye gaye ehkamat ki roshni mein tay Karen kah kisi kay bhi haqooq mutasir na hon.

Shariyat e islamiya ka mutaliya batata hay kah mard kisi bhi aisi orat say shadi kar sakta hay jo is par haram na ho.

Aur orat ko bhi yah haq hasil hay kah wo shadi kay liye aisay mard ka intikhab kar sakti hay jis nay nikah haram na ho, jabkah nikah say pahlay mard ka is orat ko dekhna jaiz hay jis say wo nikah kar raha hay aur isi tarha orat ka bhi is mard ko dekhna jaiz hay jis say wo nikah kar rahi ho.

Yah is liye hay kah shadi kay bad kisi kisam ki napasandidgi ki gunjaish na rahay. Shariyat e islamiya chahti hay kah nikah hamesha kay liye paidar mohabbat wala rishta sabit ho, is liye wo ibtida hi mein napaidari kay saray darwazay band kar deti hay.

Insan shadi karnay mein azad hay, lekin isay bewajah apnay waliden ko nazarandaz kar kay shadi nahi karni chahiye. Nikah sirf do afrad kay Milan ka naam nahi hay balkah is mein do khandano kay apas mein taluqat qaim hotay hein, agar khandan kay buzurgo aur baro ko nazarandaz kar kay nikah kia jaye ga tou is mein in duaen, dili tamanaen aur sarparasti shamil nahi ho gi.

Bradri ya khandan say bahir shadi, aaj raqreeban har ghar mein yah masla kisi na kisi soorat mein zer e bahas hay. Is ziman mein waliden kay liye bhi zruri hay kah wo doorandeshi say soch smajh kar kaam laen.

Apni olad ko madar pidar azad bay lagam zindagi say door rakhen. Larkay aur larkiyo kay mel jol par nazar rakhi jaye agar kahin mohabbat ki diwangi parwan charh jaye aur larka larki shadi kay liye zor den tou phir is mislay ko aana ka masla nahi banana chahiye.

Is muamlay mein in ki marzi ko pesh e nazar rakhna chahiye. Kio kah zindagi baherhal in dono ko guzarni hay.

Wazifa For Love

Close Menu
×
×

Cart